?+! = :)

മുടി കറുപ്പിച്ചിട്ടും
പേശികള്‍ പെരുപ്പിച്ചിട്ടും..
കൂടു വിട്ടുണരുന്നില്ല...
എന്‍റെ മടിയന്‍ മനസ്സ്!

എന്‍റെ തോളില്‍ നിന്നും നീ എടുത്തത്
നിന്‍റെ കൈ അല്ല,  എന്‍റെ മനസ്സിന്‍റെ താങ്ങായിരുന്നു

ചിറകു വേണ്ടാത്ത അകാശമായിരുന്നു നമുക്കിടയില്‍..
വിളി കേള്‍ക്കാത്ത ദൂരത്തും, ഒരേ നിലാവില്‍ നനഞ്ഞു നാം....!

വാക്കുകള്‍ നിശബ്ദമാകുമ്പോള്‍
മൗനം വാചാലമാകുന്നു!!
സ്നേഹത്തെക്കാള്‍ വലുതല്ലല്ലോ...
സ്നേഹിക്കുന്നവര്‍!

അവസാനത്തെ കത്ത്!!

അവന്‍ അവള്‍ക്കു അയച്ച അവസാനത്തെ കത്ത്:

ഞാന്‍ എന്‍റെ അമ്മയുടെ ഒറ്റ പുത്രന്‍!

നിനക്ക് ഞാന്‍ അയച്ചു തന്നത് എന്‍റെ അച്ഛന്‍റെ പഴയ ഫോട്ടോ!

എന്നിട്ടും ആള്‍കൂട്ടത്തില്‍ നീ എന്നെ തിരിച്ചറിഞ്ഞു!....

Now Bitch! Don’t call me a bastard!!

വഴിപിഴച്ചവര്‍ നമ്മള്‍...

ഒരിക്കലും തുറന്നു നോക്കില്ലെന്നു ഉറപ്പു പറഞ്ഞിട്ടാണ്
എന്‍റെ ഹൃദയം നിന്നെ ഏല്‍പ്പിച്ചത്...
എന്നിട്ടോ?
ത്രിസന്ധ്യക്ക് ഉമ്മറപ്പടിയില്‍ ഇരുന്ന്‍ നീ മാന്തി പൊളിച്ചത്
ഞാന്‍ പോലും തൊട്ടിട്ടില്ലാത്ത എന്‍റെ ഹൃദയം!!

നീ എന്നോടു ചെയ്തത് ഞാന്‍ മറക്കാം !
പക്ഷെ..
നീ 'നമ്മളോട്' ചെയ്തത് പൊറുക്കില്ല!
സ്നേഹത്തിലേക്കു പ്രത്യേകം വഴി ഒന്നുമില്ല..
സ്നേഹം മാത്രമാണ് വഴി!

പിഴച്ചത് ആ  വഴിയാണ്!

എന്‍റെ പിഴ.

ചിറകുകള്‍ക്ക് ദൂരം അറിയില്ല.. ഭാരം അറിയാം !

കണ്ണുകള്‍ക്ക്‌ ഭാരം അറിയില്ല... ദൂരം അറിയാം..!

വിളക്കിനു വെളിച്ചം അറിയില്ല...  ചൂടറിയാം!

നിനക്ക് എന്‍റെ സ്നേഹം അറിയില്ല...  എന്നെ അറിയാം!!

നിന്‍റെ കുറ്റമല്ല...

എനിക്കെന്നെ വിതക്കാനും കൊയ്യാനും അറിയില്ല..

പത്തായത്തില്‍ സൂക്ഷിക്കാനെ അറിയൂ....

എന്‍റെ പിഴ...എന്‍റെ പിഴ....