ജീവിതം!

ദാഹിക്കുമ്പോള്‍ കണ്ണീരു കുടിച്ചും..
വിശക്കുമ്പോള്‍ വേദന തിന്നും..
ജീവിക്കുന്നവരെ,
പട്ടിണിക്കിടാനാവില്ലാര്‍ക്കും!!

വണ്ടിനോടല്ലെങ്കില്‍ ,അത്ര നിഷ്ക്കരുണം
പറിച്ചെടുക്കുന്നൊരീ മര്‍ത്ത്യന്‍റെ ,
കൈകളോടാണോ പൂക്കള്‍ക്ക് പ്രണയം?

നീയെന്നെ ചുറ്റും തിരയുമ്പോള്‍ കാണാതെ,
പരിഭവിക്കല്ലേ ,നിന്‍റെ ഉള്ളിന്‍റെയുള്ളിലെന്നേ
ഞാനെന്‍റെ ജീവന്‍റെ കൂടു കെട്ടി !

ഹല്ല പിന്നെ !

സത്യത്തില്‍,
നമ്മളല്ലോടീ .. കാമുകീ കാമുകന്മാര്‍!?
ഒരിക്കലെങ്കിലും..
അന്തംവിട്ടു പ്രേമിചില്ലെങ്കില്‍ 
പിന്നെന്തൂട്ടു ജീവിതം!
കുട്ടീനെക്കൊണ്ട് ,
കുഞ്ഞുവായില്‍
വല്ല്യ വര്‍ത്താനം പറയിച്ചവളെ..
ഒളിച്ചിരുന്നോളെ ..
എന്നെക്കൊണ്ട് പറയിക്കരുത്‌,,..
ഒടുക്കത്തെ പ്രേമം!