ഒരോർമ്മയുടെ തുണ്ടം കളഞ്ഞു കിട്ടിയിട്ടുണ്ട്,
ഉടമസ്ഥർ തെളിവുസഹിതം വന്ന് തിരിച്ചെടുക്കുക!
സ്വപ്നത്തിൽ നിന്നും പോയ കാമുകി പരിസരത്ത്
എവിടെയെങ്കിലും ഉണ്ടെങ്കിൽ ഉടൻതന്നെ ഉറക്കത്തിലേക്കു
തിരിച്ചുവരണം , കാമുകൻ ഉണരാതെ കാത്തിരിക്കുന്നു!
ജീവിതത്തിൽ നിന്നും മരണത്തിലേക്ക് പോകുന്ന
കാലം എക്സ്പ്രസ്സ്‌ , ഏതാനും നിമിഷങ്ങൾക്കുള്ളിൽ
ഒന്നാം നമ്പർ പ്രതീക്ഷയിൽ എത്തിച്ചേരുന്നതാണ് !
പുകവലിപാടല്ല !
കയ്യും തലയും അകത്തിടരുത് !
No comments:
Post a Comment