Thursday, March 27, 2014

അടിമകള്‍

സൗഹൃദ യുദ്ധത്തില്‍
ഞാന്‍ ജയിക്കുന്നത്..
നീ എന്നെ തോല്‍പ്പിക്കുമ്പോളാണ്
കാരണം .. ആ യുദ്ധത്തില്‍
ആയുധം 'സ്നേഹമാണ്'!
മൂര്‍ച്ചയുണ്ട് എങ്കിലും..
മുറിവേല്‍പ്പിക്കാത്ത ആയുധം!!

Monday, March 24, 2014

പ്രണയം

പ്രണയതിരത്തല്ലലില്‍ 
തകര്‍ന്നു പോകാമെങ്കില്‍..
പ്രണയക്കൊടുംകാറ്റില്‍
കടപുഴകാമെങ്കില്‍...
പ്രണയക്കൊടുംവേനലില്‍
വരണ്ടുണങ്ങാമെങ്കില്‍..
പ്രണയപ്പെരുമഴക്കാലത്ത്
ഒലിച്ചുപോകാമെങ്കില്‍..
എങ്കില്‍....
പ്രണയവസന്തത്തില്‍ , എന്തേ,
പൂവില്ലെങ്കിലൊരു തളിരെങ്കിലും..?





Thursday, March 20, 2014

ഇങ്ക്വിലാബ്

വിപ്ലവത്തിന്‍റെ സൂര്യഗ്രഹണം,
ഇനി,  ഞാഞ്ഞൂലുകളുടെ 'പ്ലീന'കാലം!
നീര്‍ക്കോലികടി കൊണ്ടവരൊക്കെ
ഇന്നുമുതല്‍ അത്താഴ പഷ്‌ണിക്കാര്‍ !
ഊതിവീര്‍പ്പിച്ച ആദര്‍ശ കുമിളയില്‍,
അമ്പത്തൊന്നില്ല , ഒരൊറ്റ കുത്ത് മാത്രം!
കൂട്ടില്‍ കാഷ്ടിക്കുന്ന കുലംകുത്തിക്ക്
ആട്ടിന്‍തോലിട്ടവരുടെ വിപ്ലവ-വാഴ്ത്തല്‍ !
ബലികുടീരങ്ങളില്‍ ഉറക്കം നഷ്ടപെട്ടവര്‍ക്ക്
കൊടിവാള്‍ ചുറ്റിക നക്ഷത്രം !
വനസ്ഥലികളില്‍ ഈര്‍ച്ചവാള്‍ ഘോഷം!
പാറമടകളില്‍ സ്ഫോടനാഹ്ലാദം !

ചവര്‍പ്പ്

'ഇതുംകൂടി കഴിഞ്ഞാല്‍ തീര്‍ന്നു'
എന്നവസാന കരണ്ടി കഷായവും
കുടിപ്പിചിട്ടെന്നെയൊരു തുണ്ട്
കല്‍ക്കണ്ടകാത്തിരിപ്പില്‍ തളച്ചിട്ടു, ജീവിതം!

Sunday, March 2, 2014

നിന്നിലേക്കുള്ള വഴികള്‍...

തുറന്നിട്ട വാതിലുകള്‍ തന്നെയാണ്
അടച്ചുപൂട്ടാനും എന്നറിഞ്ഞപ്പോളല്ല,
ജാലകങ്ങള്‍ അഴിയിട്ടവയായതിനാലാണ്
ഇനിയും ചെറുതാകേണ്ടതില്ലെന്നുറപ്പിച്ചത്!