Sunday, October 7, 2012

ആകാശം

നിനക്ക് വേണ്ടി കടഞ്ഞെടുത്ത വാക്കുകളാണ് നിരത്തി വെച്ചിരിക്കുന്നത്.
പൂക്കളില്‍ ഞാന്‍ കണ്ട കവിത 
അതില്‍ കരിയാതെ തുടിച്ചു നിക്കുന്നില്ലേ?
സ്നേഹം നടന്നുവരുന്ന വരമ്പുകളില്‍
വഴുതിവീഴാതെ ഒതുങ്ങി നില്‍ക്കുന്നില്ലേ?
വിരുന്നുകാരും, വഴിപോക്കാരും തൊട്ടും തലോടിയും നടന്നു പോയപ്പോള്‍,
നീ മാത്രം കണ്ട ഭാവം നടിക്കാതെ , കറുത്ത ചിരി നീട്ടി കാത്തു നില്‍ക്കുന്നു.

പകലിന്‍റെ നെരിപ്പോടില്‍ ഒരു നക്ഷത്രം ഒളിച്ചിരിപ്പുള്ള പോലെ,
ഇരുട്ടിന്‍റെ കരിമ്പടത്തിനുള്ളില്‍ ഒരു സൂര്യന്‍ ഒളിച്ചിരിപ്പുണ്ടോ?

എന്‍റെ ഏകാന്തതയിലേക്കാണ് അനുവാദമില്ലാതെ
അലറി പാഞ്ഞു നീ കയറി നിന്നത്.
ഇപ്പോള്‍ എന്നെ അസ്വസ്ഥനാക്കുന്നത് 
നിന്‍റെ സാന്നിദ്ധ്യമല്ല, മൌനമാണ്!

ചിറകു വേണ്ടെങ്കില്‍ ഈ  ആകാശം ഞാന്‍  അടച്ചു വെക്കാം...


No comments:

Post a Comment