Wednesday, November 13, 2013

ചിയേർസ്! (200)

പാനപാത്രം നിറക്കൂ നീ , സ്നേഹിതാ,
ലഹരി മോന്തി പറക്കാം നമുക്കിനി.
സഹന സാഗരം താണ്ടേണ്ടതുണ്ട് നാം,
പുലരി പൂക്കാൻ തുടങ്ങുന്നതിൻ മുൻപേ!

എത്രകാലമായ് ഒന്നിച്ചിതേപോലെ
ചില്ലുപാത്രത്തിൽ പകർന്നു നാം  സൗഹൃദ
ചില്ലമേൽ ഒന്നിച്ചിരുന്നൂയലാ ടി ക്കളിച്ചിട്ട്,
എത്രനാളുണ്ടിനി ബാക്കിയെന്നോർക്കാതെ!


വയ്യ, നാം നമ്മെ തളച്ചിട്ട കുറ്റികൾ
ചിതലുതിന്നാൻ തുടങ്ങിയെന്നാകിലും
മതിലുകെട്ടി പിരിച്ചില്ല ജീവിതം!
കയ്യുയർത്തി മുട്ടിക്കുകീ ചഷകങ്ങൾ!





4 comments:

  1. മദ്യം വിഷമാണ്.

    ReplyDelete
  2. ഇരുനൂറായോ? എങ്കില്‍ ചിയര്‍സ്

    ReplyDelete