തബല

മഷികണ്ണ്‍ തേഞ്ഞോരു വൃദ്ധചര്‍മ്മത്തില്‍
വിഷംതീണ്ട വിരലുകള്‍ താളം മറക്കുന്നു.

അര്‍ദ്ധനാരീശ്വര ബന്ധം പിരിച്ചിട്ടും
തേങ്ങുന്നു, തേയുന്നു രണ്ടിടത്തിങ്ങനെ...


(പഘാവജ് എന്ന വാദ്യത്തിൽ നിന്നുമാണു തബല നിർമ്മിച്ചതെന്ന് പറയപ്പെടുന്നു. ഹിന്ദുമത വിശ്വാസപ്രകാരമുള്ള അർദ്ധനാരീശ്വര സങ്കല്പവുമായ് പഘാവജ് ബന്ധപ്പെട്ടിരിക്കുന്നു. ഗണപതിയുടെ വാദ്യമെന്നു വിശ്വസിക്കപ്പെട്ടിരുന്ന ഇത് മൃദംഗം പോലെ ഇരുവശങ്ങളിലും തുകലോടുകൂടിയവയായിരുന്നു. അതിനെ രണ്ട് വാദ്യങ്ങളാക്കിയത്രെ തബലയുണ്ടാക്കിയത്. "തോടാ, ഫിർ ഭീ ബോല" (മുറിച്ചിട്ടും പാടി) - അങ്ങനെയത്രെ തബല എന്ന പേരു വന്നത്. പഘാവജിന്റെ പഠനരീതികളാണു തബലക്കും തുടരുന്നത്. :- വിക്കിപീഡിയ)